بنیادنانى شارى باشتر

 

 

پرۆژەى نیشتەجێبوون کە لە توانا و بەردەستى هەموواندا بێت بۆ بنیاتنانى پێکهاتە و ژێرخانێک کە بمێنێتەوە  و بەردەوام بێت و پارێزگارى لە ژینگە بکات. ئەمەش شانبەشانى بنیاتنانى پرد و ڕێگاو بان و فرۆکەخانە کە شارەکان و دانیشتووەکانیان پێکەوە دەبەستێتەوە 

ئەو کەرەستە و خزمەتگوزارى و سیستمى بنیاتنانە نوێیانەى کە تایبەتن بە ئێمە بەشداری دەکەن لە بنیاتنانى شارى جوانتر و پێشکەشکردنى شوێنى نیشتەجێبوونی پتەوتر و پێکەوە بەستراوتردا ،  بە کورتى شارى باشتر !

به‌شداربوون له‌ بنیاتنانی شوێنی زیاتر بۆ نیشته‌جێبوون له‌ شاره‌کاندا

ڕەخساندنى هەل بۆ دانیشتوانى شارەکان تاوەکو بتوانن شوێنى نیشتەجێیبوونی گونجاو بەدەست بهێنن کە رەچاوی بارودۆخى داراییان بکات و پێداویستییەکانیان دابین بکات. بۆیە ئێمە چیمەنتۆ و کۆنکریت دابین دەکەین لەگەڵ ئەو شێواز و خزمەتگوزارییە نوێیانەى کە یارمەتى هەمووان دەدات بۆ بەدەستهێنانى خانووبەرەیەکى گونجاو لەناو شاردا و بە مەرجى ئاسان.

en-accueillante-814x252.jpg

به‌شدارییکردنمان

شوێنى نیشتەجێبوون پێویستیە بۆ ئەو کەسانەى کە تازە دێنە ناو شارەکانەوە و بۆ ئەوانەش کە تیایدا دەژین دابینبکرێت چونکە ئەوان نەک هەر بە تەنیا پێویستیان بەوە هەیە کە شوێنێک هەبێت تیایدا بحەوێنەوە بەڵکو لە هەمان کاتدا دەشیانەوێت شوێنێک لە شارەکەدا بەدەست بهێنن کە بە ئیسراحەت تیایدا بژین.
کەرەستەکانى ئێمە پتەون و بە نرخێکى گونجاو دەست دەکەون و دەتوانن شوێنى نیشتەجێییەکى هەرزان بۆ دانیشتوانى شار دابینبکەن: 
 

  •     چیمەنتۆ و گشت جۆرە کۆنکریتەکان کە دەشێت بەکاربهێنرێن بۆ بنیاتنانى ماڵى نوێ یان بۆ بەردەوام پێدان و نوێکردنەوەى ئەو خانووانەى کە هەن.
  •     ئەو پرۆسە وخزمەتگوزارییە نوێیانەى کە لە پێناوى بنیاتنانى خانووبەرەدایە بە خێراترین کات و بە نرخێکى زۆر کەم. لەڕێى هاوکارانمانەوە توانیومانە شێوازى نوێ لە بوارى کۆنکرێتدا بهێنینە کایەوە و پەرەى پێبدەین، بۆ نموونە شێوازى کارکردن بەپێى مانەوە لە شوێنکاردا  


بۆ ڕەخساندنى هەل لەبەردەم خەڵکانى کەم دەرامەتدا تاوەکو بتوانن بە نرخێکى کەم خانوویان دەست بکەوێت بە تایبەتى لە وڵاتە تازە پێگەیشتووەکاندا ئێمە چەند شێوازێکى نوێمان هێناوەتە گۆڕێ بە مەبەستى:
 

  •     بەدەستهێنانى کەرەستەکانمان بە شێوەیەکى ئاسان بۆ نموونە شێوازێکمان داهێناوە بۆ دابینکردنى کۆنکرێت لەناو جەرگەى گەڕەکە میللیەکاندا.
  •     بەدەستهێنانى دارایی بە شێوەیەکى ئاسان. ئێمە پرۆگرامێکمان داناوە بە مەبەستى بەدەستهێنانى قەرزى بچووک بۆ یارمەتیدانى دانیشتوانى شارەکان بەتایبەتى ئەوانەى کە خاوەن دەرامەتێکى کەمن تاوەکو بتوانن خانوو دروست بکەن یان خانووەکانیان نوێ بکەنەوە و بەشى نوێى تیادا دروستبکەن.


 ئەوە ئەو پابەندێتییەیە کە گرتومانەتە ئەستۆ  وەک " هیواکانى بەردەوامبون بۆ 2020". ئەوەش   ئەو پرۆگرامەیە کە لە حوزەیرانى 2012 دا دامان ناوە.

" یارمەتیی  2 ملیۆن کەس  لە سەرانسەری جیهاندا تاوەکو خانووبەرەیەکى بەردەوام و بەنرخێکى گونجاو  بەدەستبهێنن  لەڕێی چارەسەری نوێوە".

بەشداریکردن لە شاری یەکگرتووتردا

بەمەبەستى سنووردارکردنى فراوانبونى ئاسۆیی  ناوچە شارنشینەکان ، ئێمە چارەسەری بینای ستونیمان هێنایە کایەوە هەروەها نوێکردنەوەى  بینا کۆن و داڕماوەکان. ئەوەش لەپێناو بەکارهێنانى کەمترین رووبەڕی زەوى  و بەمەبەستى ئەوەى کە شارەکان  پتر یەکگرتوبن و پارێزگاری لە شێوازى ژیانى دانیشتوانەکانیان بکرێت و هاتوچۆی رۆژانەیان ئاسانتر بێت.
compacte-814x252.jpg

 

بەشداریکردنمان

لەپیناو سنوردارکردنى فراوانبونى شارەکان و پاراستنى زەوى و زاری کشتوکاڵی  و روبەرە سەوزەکان  و گوڵزار ، بۆ ئەو مەبەستە پێویستە گەشەکردنى شارەکان  نەبێتەهۆی ئەوەى  شارەکان  پاڵ بە لادێوە بنێن بەرەو دورتر.
چارەسازییەکانى ئێمە یارمەتیدەرن  بۆ ئەوەى شارەکان زیاتر یەکگرتوبن روبەری زۆریش لەزەوى گلبدەنەوە  بەوجۆرەى  کە شوێنکارو شوێنە گشتییەکان و خزمەتگوزارییە  ناوخۆییەکان  گشت لەیەکەوە نزیک بن  ئەوەش مانای وایە شوێنی  زۆرتر بۆ جموجوڵ دابیندەبێت و  جۆری ژیانى دانیشتوان باشتر دەبێت.
ئێمە گشت جۆرە  کۆنکریتێک  دابیندەکەین  کە گونجاوبێت بۆ گشت جۆرە  بیناسازییەک  هەر لە بینا زۆر  بەرزە قوچەکانەوە  تا دەگاتە  ئەو خانوانەى کە سێ نهۆمین:

  • کۆنکریتى   زۆر بەهێز   بۆ بناغەو نهۆمەکانى ژێرەوە
  • کۆنکریتى سووک  بۆ بەشەکانى سەرەوە.
  • كۆنکریتى  نەگەیەنەر  بۆ  تیغە  لە گشت ئاست و نهۆمەکاندا...هتد.

تەلارسازەکان  و نەخشەکێشانى ناوچە شارنشینەکان  لەوانەى  کە  بەدوای گۆرانکاری لەزەوى  بێکەڵکەکاندا دەگەڕێن ، هەروەها   بۆ گۆڕینى  شوێنە کۆنەکان بە شێوازێکى نوێ  دەتوانن  پشت بە ئەزمونى ئێمە ببەستن  لەبواری  ئەو کەرەستانەدا  کە جۆرێکى  باش و بەردەوام  و هەرزانبەهابێت بۆ گەشەپێدانى ناوچە شارنشینەکان.

 

بەشداریکردن لە بنیاتنانى شارێکدا کە زیاتر دەمێنێتەوە

شارێک کە بەرگەی زەمان و کارەساتە سروشتییەکان بگرێت و کاریگەری لەسەر ژینگە کەمبکاتەوە. چارەسەری ئێمە لەو رووەوە بریتییە لە شێوازى بیناسازى و ئەو سیستمە هاوکارانەى یارمەتیدەرن لە  بنیاتنانى  شارەکان و پێکهاتەی  ژێرزەمینی  بەهێزتر  کە ماوەیەکى درێژتر بەردەوام بێت  و لەهەمان کاتدا پێداویستییەکانى ژینگە باشتردەکات بەتایبەتى لەڕێی  باشکردنى توانای وزەى  بیناکان و بەرگریکردنیان  لە ئاو.

 
en-durable-814x252.jpg

بەشداریکردنمان

شارانێکى خۆڕاگر هەربەتەنیا شارانى  پارک و  باخچەکان نین  کە ژینگە دەپارێزن  بەڵکو لەهەمان کاتدا   ئەو شارانەن کە  بەردەوام دەبن و بەرگریی  زەمانەو کارەساتە سروشتییەکانیش دەکەن .
هەر لەبەرئەوەیە  ئێمە ئەو چارەسەرانە دەخەینەڕو کە تایبەتن بە بنیاتنانى  خانوبەرەو  پرۆژەکانى پێکهاتەى ژێرخانى  کە دانیشتوان دەپارێزن.  کۆنکریتى ئێمە   باشترین شتە کە هەمانە  لەڕوى هێز و بەردەوامى و بەرگریی سروشتەوە  و ئەوەش دەبێتەهۆی ئەوەى کەبۆ چەندین ساڵ بمێنێتەوە.
لەکاتى رودانى بومەلەرزە یان گەردەلول  یاخود پیسبونى ئاوی دەریادا ئێمە دەتوانین هێز و بەرگرى کۆنکریتەکەمان زیاتر بکەین  لەڕێی بەرهەمى تایبەت بە جۆری کارئەنجامدانەوە.
هەروەها چارەسەری نوێ دادەنێین بۆ خانوبەرە و  ئەو سیستمانەى  یارمەتیدەرن  لە پارێزگاریکردن لە ئاو  و سەرچاوەکانى وزە  و دەرکردنى  کاربۆن کەمدەکاتەوە.

  •  ئێمە جۆرى گەرمى سروشتى کۆنکریتیى بەهێزمان باشکردووە واتا بڕەڕى گەرمى لەسەر بنەماى کۆنکرێت هەروەها مەوداى گەرمى کە هێندە نەگەیەنەرە بە بەراورد لەگەڵ کۆنکریتى ئاساییدا

  • هەروەها کۆنکریتێکى نێوەندى ئاوى پێشکات (هایدرۆمیدیا) پێشکەش دەکەین کە تواناى هەڵمژینى ئاوى گەردەلوولى هەیە و یارمەتیدەرە بۆ بەڕێکردنى ڕۆیشتنى ئەو ئاوەى کە زەوى هەڵیدەمژێت بەوەش مەترسى ڕوودانى لافاو کەمدەکاتەوە بۆ رێبوارە  پیادەکان و بۆ شۆفێرەکان.  

شۆفێرەکان دەتوانن بەناو تونێلەکاندا بڕۆن بەبێ مەترسى و نیگەرانى لە دەرکردن و پەنگخواردنەوەى دایۆکسیدى نایترۆجین ئەوەش بەهۆى شێوازى پارێزگارى لە پێکهاتەى ئەو کۆنکرێتەدا کە دروستى دەکەین بەو جۆرەى کە ژینگە بپارێزێت.

 

بەشداریکردن لە بنیاتنانى شارنێکدا کە زیاتر پێکەوە بەسترابن

دانیشتوانى شارەکان دەیانەوێت بە خێرایى بگەنە شوێنکارەکانیان جا ئەوانە لەناو شارەکاندا بن یان لە شوێنى تر ئەوەش وا دەگەیەنێت کە پێویست بە بنیاتنانى پرد و تونێل بکات لە ڕێگە دەرەکییەکاندا هەروەها هێڵى ئاسن کە دەگاتە فڕۆکەخانە و ئێستگەکان. چارەسەرییەکانى ئێمە کە تایبەتن بەو دامەزراوانەى ژێرخانى گواستنەوە بەکاردەهێنرێت بەشداریدەکات لە پێکەوە بەستنێکى باشترى نێوان شارەکان و یارمەتیدەرە لە ئاسانکردنى هاتوچۆى ئۆتۆمبیل و ڕێبواراندا.

en-connectee-814x252.jpg

بەشداریکردنمان

گەڕان بەناو شاردا بەخێرایى و ئاسانییەکى زیاتر هەروەها ڕۆیشتن لە ماڵەوە بۆ سەر کار لە ناوچەیەکەوە بۆ ناوچەیەکى تر سەرەڕاى گەشتکردن بۆ شارەکانى تر لەلایەن گشت کەرتەکانى دانیشتوانى شاردا.
 
بە مەبەستى ئەوەى گەڕان بەناو شاردا ئاسانتربێت ئێمە ئەو کەرەستە باشانە دابین دەکەین کە بەکار دەهێنرێن بۆ خانوبەرەیەک کە پتەوتر و بەردەوامتر بێت و ئاسانتر پارێزگارى لە پێکهاتەى ژێرزەمینى بکات.
 
چیمەنتۆ و بارستە و کۆنکریتى لافارج یارمەتیدەرن بۆ بنیاتنانى شارانێکدا کە زیاتر پێکەوە بەسترابن لە گشت جیهاندا. ئەو کەرەستانەش بۆ دروستکردنى هێڵەکانى ترام و میترۆ و ڕێگەکانى دەرەوە بەکاردەهێنرێن هەروەها هێڵى ئاسن و پردەکان و تونێل و بەندەرەکان و ئیستگەکان و فڕۆکەخانەکان. گشت ئەوانەش جۆرە پرۆژەیەکن یارمەتیدەرن لە گواستنەوەى خەڵکیدا و کەمکردنەوەى ئەو کاتەى کە ڕۆژانە دانیشتووان پێویستیان پێى دەبێت.

هێندەى کە پەیوەندى بە پرۆژە قەبارە گەورەکانەوە هەیە ئێمە گشت سەرچاوە لۆجستى و زانستییەکانمان دەخەینە کار لە پێناو رادەستکردنی ئەو بەرهەمانەى کە تایبەتن بە گشت جۆرە بەکارهێنانەکان و بەو بڕە زۆرانەى کە پێویست دەبن لەسەر بنەماى کارکردنى 24 سەعاتە و لە 7 ڕۆژى هەفتەیەکدا

 

بەشداریکردن لە بنیاتنانى شارانێکى جوانتردا

بیناى نایاب و کۆشکى گشتیى سەرنجڕاکێش بە ڕەنگ و شێوازى جۆراو جۆر و پێکهاتەى گونجاوەوە هەر؛وەها بۆ یار؛مەتیدانى بنیاتنانى شارانێکى جوانتر ئێمە چەندین جۆر پێکهاتەى کۆنکریتى پێشکەش دەکەین کە جوانترین و کاراترین پێکهاتە پێشکەش دەکەن.

belle-814x252.jpg

 

 

 

 

 

 

 

 

 

بەشداریکردنمان

کۆنکریت ماددەیەکى بنیاتنانە کە زۆربەى بابەتەکانى تەلارسازى سەرنجڕاکێش دەکاتە ڕاستییەکى زیندوو هەروەها دەتوانێت شێوەى ناوازە بگرێتەخۆ و ڕۆبکرێتە چەندین جۆر قاڵب بۆ پێکهێنانى شێوە و وێنەى جۆراو جۆر هەروەها پێشکەشکردنى ئاستێکى بەرزى کارئەنجامدان.
 
ئەو نوێکردنەوەیەى کە لافارج پێشکەشى کردووە و لەسەر ئاستێکى فراوان لە چەندین جۆر کۆنکریتى سەرنج ڕاکێش پێکدێت: 
 

  •  کۆنکرێتى ئێمە ئاستێکى بەرزى هەیە و ڕیشاڵى بەهێزکردنى (Ductal®) تێدایە هەروەها کۆنکریتى جۆرى “haute couture” جۆرێکى ناوازە و بەهێزە و نەرمییەکى ئەوتۆى تێدایە کە ڕێگە دەدات بە جێبەجێکردنى وردەکاریی  دیزاینە ئەێڵییەکە.
  •  کۆنکریتى دیکۆر لە جۆرى Artevia® کە یارمەتیدەرە لە ڕازاندنەوەى بیناکان و شوێنە گشتییەکاندا بە شێوەى ڕەنگاو ڕەنگ و جۆراو جۆر.
  •  کۆنکریتى خود داڕشتن و خود ڕێککردن (Agilia®) کە یارمەتیدەرە بۆ پرۆسە جوانکارى و تەکنیکییەکان و لە هەمان کاتدا دەتوانرێت دواین دەستپێهێنان و ێافکردن پێشکەش بکات هەروەها بە خێرایى کار ئەنجامدان بە کەمترین ئەرک لە کاتى بەکارهێنانیدا.  

 
ئەم جۆرە کۆنکریتانە وادەکات کە تەلارسازەکان بتوانن بیناکان دیزاین بکەن و جێبەجێیان بکەن و ئاسانکارى بەکارهێنانى تێدا دابنێن  هەروەک ئەوەى کە لە نەخۆشخانەکان و فڕۆکەخانەکان و یاریگاکاندا هەیە چونکە ئەو جۆرە شوێنانە پێویستییان بە ڕواڵەتى تەلارسازى گەورە هەیە کە لە هەمان کاتدا کەلەپورى تەلارسازیش بپارێزێت.
 
ئەم داهێنانانە یارمەتیدەرن لەوەدا کە هەر شارێک ببێتە شوێنێکى ناوازە کە دڵ بکاتەوە و ژیان خۆشتر بکات.

قەڵاى هەولێر زیندوو دەبێتەوە

the-citadel-of-erbil2.jpg

لافارج ڕۆڵێکى گەورە دەبینێت لە کوردستانى عێراقدا بە تایبەتى لە پاراستنى شوێنە ناودارەکانى شارى هەولێردا کە بە کۆنترین شار لە مێژوودا دادەنرێت چونکە لە نزیکەى 8.000 ساڵ بەر لە ئێستادا بنیاتنراوە. ئێستا پرۆژەیەکى گەورە بەڕێوەیە بۆ جێبەجێکردن کە دەتوانێت قەڵاکە لەبەردەم جەماوەردا بکاتەوە و ئەو شکۆمەندی؛یەى کە هەیبووە بۆى بگێڕێتەوە و لە کۆتایشدا لەلایەن یونسکۆوە وەک یەکێک لە شوێنە ئاسەوارە جیهانییەکان پۆلێن بکرێت.

بەو پێیەى کە نزیکەى 8.000 ساڵ بەر لە ئێستا بنیاتنراوە هەولێر یەکێکە لە کۆنترین شارەکانى جیهان کە هێشتاکە تا ئەم سەردەمە  دانیشتوانى تیادا دەژى. لەم کاتەدا هەولێر پایتەختى کوردستانى عێراقە و نزیکەى 1.5 ملیۆن دانیشتوانى تێدا دەژى. قەڵای هەولێر  کە بەسەر شارەکەدا دەڕوانێت لەسەر ڕووبەرى پتر لە 10 هیکتار زەوى بنیاتنراوە و گەلێک شێوازى ئاسەوارى تەلارسازیى نایاب دەگرێتەخۆ کە ڕەنگدانەوەى سەردەمانێکى جۆراو جۆرن لەوانەش سەردەمى سۆمەرى و بابلى و ئاشورى و یۆنانییەکان هەروەها سەردەمى داگیرکردنى عەرەبەکان.

هەرچەندە لە ئێستادا قەڵاکە لە بارودۆخێکى نالەباردایە بەڵام پرۆسەیەکى  گە؛ورە دەستپێکراوە بۆ نوێکردنەوەى کە ئەم سێ ئامانجە سەرەکییە دەگرێتەخۆ:

  •  پارێزگاریکردنى کەلەپورى مێژووى شارەکە. 
  •  کردنەوەى ئەم شوێنە سەرنجڕاکێشە لەبەردەم جەماوەر و گەشتیاراندا لەڕێى دابینکردنى ئوتێل و گازینۆ و هۆڵەکانى پێشکەشکردنى هونەرییەوە.
  •  پێشوازیکردن لە دانیشتوانى نوێ. 


لافارج لەگەڵ بەرپرسانى ناوخۆ و ڕێکخراوى یونسکۆدا کاردەکات، هەروەها لەگەڵ پەیمانگەى فەرەنسى بۆ خۆرهەڵاتى نزیک لە عێراقدا. بێجگە لە بەشداریى داراییمان ئێمە بەرپرسیارێتیى نوێکردنەوەى چەند خانوویەکمان گرتۆتە ئەستۆ کە لەناو قەڵاکەدان. هەروەها چیمەتۆ بۆ پرۆژەکە دابین دەکەین و لەڕێى ئەزمونەکانمانەوە بەشداریدەکەین لە بوارى بنیاتنان بەو پێیەى کە لەگەڵ ستاندەرەکانى ڕێکخراوى یونسکۆدا بگونجێت و لەبەر ڕۆشنایى پۆلێنکردنى قەڵاکە لە ئاییندەدا بەو پێەى کە شوێنێکى کەلەپورى جیهانییە.   

هەولێر ئامادە دەبێت بۆ بەشداریکردن بەو سامانە ئاسەوارییەى کە دەگەڕێتەوە  بۆ سەدان و بگرە بۆ هەزاران ساڵ لەمەوبەر!