شارى جوانتر

کۆنکریت ماددەیەکى بنیاتنانە کە زۆربەى بابەتەکانى تەلارسازى سەرنجڕاکێش دەکاتە ڕاستییەکى زیندوو هەروەها دەتوانێت شێوەى ناوازە بگرێتەخۆ و ڕۆبکرێتە چەندین جۆر قاڵب بۆ پێکهێنانى شێوە و وێنەى جۆراو جۆر هەروەها پێشکەشکردنى ئاستێکى بەرزى کارئەنجامدان.
 
ئەو نوێکردنەوەیەى کە لافارج پێشکەشى کردووە و لەسەر ئاستێکى فراوان لە چەندین جۆر کۆنکریتى سەرنج ڕاکێش پێکدێت: 
 

•  کۆنکرێتى ئێمە ئاستێکى بەرزى هەیە و ڕیشاڵى بەهێزکردنى (Ductal®) تێدایە هەروەها کۆنکریتى جۆرى “haute couture” جۆرێکى ناوازە و بەهێزە و نەرمییەکى ئەوتۆى تێدایە کە ڕێگە دەدات بە جێبەجێکردنى وردەکاریی  دیزاینە ئەێڵییەکە.
•  کۆنکریتى دیکۆر لە جۆرى Artevia® کە یارمەتیدەرە لە ڕازاندنەوەى بیناکان و شوێنە گشتییەکاندا بە شێوەى ڕەنگاو ڕەنگ و جۆراو جۆر.
•  کۆنکریتى خود داڕشتن و خود ڕێککردن (Agilia®) کە یارمەتیدەرە بۆ پرۆسە جوانکارى و تەکنیکییەکان و لە هەمان کاتدا دەتوانرێت دواین دەستپێهێنان و ێافکردن پێشکەش بکات هەروەها بە خێرایى کار ئەنجامدان بە کەمترین ئەرک لە کاتى بەکارهێنانیدا.  

 
ئەم جۆرە کۆنکریتانە وادەکات کە تەلارسازەکان بتوانن بیناکان دیزاین بکەن و جێبەجێیان بکەن و ئاسانکارى بەکارهێنانى تێدا دابنێن  هەروەک ئەوەى کە لە نەخۆشخانەکان و فڕۆکەخانەکان و یاریگاکاندا هەیە چونکە ئەو جۆرە شوێنانە پێویستییان بە ڕواڵەتى تەلارسازى گەورە هەیە کە لە هەمان کاتدا کەلەپورى تەلارسازیش بپارێزێت.
 
ئەم داهێنانانە یارمەتیدەرن لەوەدا کە هەر شارێک ببێتە شوێنێکى ناوازە کە دڵ بکاتەوە و ژیان خۆشتر بکات.

نیشتنەوە لە هێڵى کۆتایى ژمارە 4 لە فڕۆکەخانەى باراجاس ئەزمونێکى گەلێک جوانە و ئەوەش کارێکى سەیرنییە چونکە ئەو بینا جوانە کە بە درێژایى 1.2 کم درێژ دەبێتەوە بە بانێکى پێچاوپێچەوە  کە لەسەر پایەى گەورە گەورەیە و جۆرەها ڕەنگى سەرنجڕاکێشی هەیە  هەروەها  گەلێک پەنجەرەى فراوان . ئەم پرۆژەیە لەلایەن تەلارسازى بەریتانى ڕیچارد ڕۆجەرسەوە دیزاین کراوە شایەنى باسە ئەو تەلارسازە چەندین خەڵاتى نێو دەوڵەتى پێبەخشراوە.  
 
هێڵى کۆتایى ژمارە 4 لە ساڵى 2006 دا کرایەوە لە پاش 60 مانگ کارکردن کە ئەوە هێڵى کۆتایشى گرتبووە خۆ،  هەروەها ئامێرى تایبەت بە سەتەلایت TS4 و ڕێگە و تونێل دوو ئێستگەى وەستان. لافارج دەستێکى باڵاى هەبو لە ئەنجامدانى ئەم پرۆژە نایابەدا و ئێمە چیمەنتۆ و بارستەمان بۆ دابینکرد هەروەها بەرهەمهێنانى چیمەنتۆ لە شوێنکاردا لەڕێى خستنەکارى 6 کارگەى گەڕۆک لە شوێنکارەکەدا:

•  کۆنکریتى ئاسایى 
•  کۆنکریتى زۆر بەهێز 
•   کۆنکریتى خود ڕێککردن ، کۆنکریتى خود تێکەڵى (بە شێوەیەکى بنەڕەتى بۆ پایە تایبەتەکانى هۆڵەکە).

هێڵى کۆتایى ژمارە 4 لە فڕۆکەخانەى مەدرید ــ باراجاس بەشداری دەکات لە فراوانکردنى تواناى فڕۆکەخانەکە لە شوێنى 35 ملیۆن گەشتیارەوە لە ساڵێکدا بۆ 70 ملیۆن گەشتیار. بەو جۆرەش فڕۆکەخانەکە لە ئێستادا بوەتە  قەرەباڵغترین فڕۆکەخانەکانى  ئەوروپا چونکە بووەتە شوێنى سەرەکى جموجوڵى هاتوچۆى نێوان ئەوروپا و ئەمریکاى باشور. گەشتیاران دەتوانن لە سەنتەرەکانى شتکڕیندا کاتێکى خۆش بەسەر ببەن کە شوێنى تایبەتى تێدایە بۆ یارى و هەروەها کارى بازرگانى. سەرەڕاى ئەوەش ئەو فڕۆکەخانەیە لەڕێى هێڵێکى خێراوە بەستراوە بە شارەکەوە  کە بریتیە لە هێڵى میترۆى نوێ هەروەها چەندین هێڵى پاێ.
 
گشت ئەوانەش دەبنە هۆى ڕاکێشانى ژمارەیەکى زۆر لە گەشتیاران بۆ شارى مەدرید.

بەو پێیەى کە نزیکەى 8.000 ساڵ بەر لە ئێستا بنیاتنراوە هەولێر یەکێکە لە کۆنترین شارەکانى جیهان کە هێشتاکە تا ئەم سەردەمە  دانیشتوانى تیادا دەژى. لەم کاتەدا هەولێر پایتەختى کوردستانى عێراقە و نزیکەى 1.5 ملیۆن دانیشتوانى تێدا دەژى. قەڵای هەولێر  کە بەسەر شارەکەدا دەڕوانێت لەسەر ڕووبەرى پتر لە 10 هیکتار زەوى بنیاتنراوە و گەلێک شێوازى ئاسەوارى تەلارسازیى نایاب دەگرێتەخۆ کە ڕەنگدانەوەى سەردەمانێکى جۆراو جۆرن لەوانەش سەردەمى سۆمەرى و بابلى و ئاشورى و یۆنانییەکان هەروەها سەردەمى داگیرکردنى عەرەبەکان.

هەرچەندە لە ئێستادا قەڵاکە لە بارودۆخێکى نالەباردایە بەڵام پرۆسەیەکى  گە؛ورە دەستپێکراوە بۆ نوێکردنەوەى کە ئەم سێ ئامانجە سەرەکییە دەگرێتەخۆ:

•  پارێزگاریکردنى کەلەپورى مێژووى شارەکە. 
•  کردنەوەى ئەم شوێنە سەرنجڕاکێشە لەبەردەم جەماوەر و گەشتیاراندا لەڕێى دابینکردنى ئوتێل و گازینۆ و هۆڵەکانى پێشکەشکردنى هونەرییەوە.
•  پێشوازیکردن لە دانیشتوانى نوێ. 

لافارج لەگەڵ بەرپرسانى ناوخۆ و ڕێکخراوى یونسکۆدا کاردەکات، هەروەها لەگەڵ پەیمانگەى فەرەنسى بۆ خۆرهەڵاتى نزیک لە عێراقدا. بێجگە لە بەشداریى داراییمان ئێمە بەرپرسیارێتیى نوێکردنەوەى چەند خانوویەکمان گرتۆتە ئەستۆ کە لەناو قەڵاکەدان. هەروەها چیمەتۆ بۆ پرۆژەکە دابین دەکەین و لەڕێى ئەزمونەکانمانەوە بەشداریدەکەین لە بوارى بنیاتنان بەو پێیەى کە لەگەڵ ستاندەرەکانى ڕێکخراوى یونسکۆدا بگونجێت و لەبەر ڕۆشنایى پۆلێنکردنى قەڵاکە لە ئاییندەدا بەو پێەى کە شوێنێکى کەلەپورى جیهانییە.   

هەولێر ئامادە دەبێت بۆ بەشداریکردن بەو سامانە ئاسەوارییەى کە دەگەڕێتەوە  بۆ سەدان و بگرە بۆ هەزاران ساڵ لەمەوبەر!